សញ្ញាព្រមាន ៥យ៉ាងបញ្ជាក់ថា គាត់ជាមនុស្សប្រើហិង្សាលើផ្លូវភេទ

មានឥរិយាបថគ្រោះថ្នាក់មួយចំនួនតែងតែកើតឡើងនៅពេលរួមភេទ។ អ្នកនឹងមិនគេងជាមួយបុរសដែលបដិសេធដាច់ខាតមិនប្រើស្រោមអនាម័យ ឬធ្លាប់មានប្រវត្តិប្រើហិង្សាលើផ្លូវភេទ។ ប៉ុន្តែពេលខ្លះ មានសញ្ញាមួយចំនួនអាចបញ្ជាក់ថា មនុស្សម្នាក់នេះប្រើហិង្សាលើផ្លូវភេទ ហើយអ្នកគ្រាន់តែមិនអាចមើលដឹង ព្រោះពួកគេលាក់បាំងការពិតមិនឲ្យអ្នកដឹងឡើយ។

នៅក្នុងទស្សនាវដ្តី Toronto Globe និងMail បានបង្ហាញថា វេជ្ជបណ្ឌិតផ្នែកចិត្តសាស្ត្រលោក Debra Soh នៅសកលវិទ្យាល័យញ៉ូយ៉ក បានប្រើភស្តុតាងខ្លីៗយកបានពីស្ត្រីដែលធ្លាប់ជួបនឹងបុរសប្រើហិង្សា លើផ្លូវភេទ និងស្រាវជ្រាវដើម្បីលើកយកគោលសំខាន់ៗចំពោះឥរិយាបថជារៀងរាល់ថ្ងៃ ដែលជាភាពគ្រោះថ្នាក់ពេលប្រព្រឹត្តរឿងលើគ្រែ។

លោក Soh សរសេរថា "វាមិនមែនជាកំហុសរបស់អ្នកណាម្នាក់ឡើយ ប្រសិនបើពួកគេទទួលរងការប្រើហិង្សាលើផ្លូវភេទ ហើយវាក៏មិនមែនជាទំនួលខុសត្រូវរបស់មនុស្សស្រីដែរ ដែលត្រូវការពារហិង្សាមិនឲ្យកើតឡើង”។ គោលការសំខាន់ៗនៃសញ្ញាទាំងនេះមិនមែនមានន័យថា ហិង្សាជាកំហុសរបស់អ្នកទេ ប្រសិនបើអ្នកនៅតែបន្តមើលឃើញបុរសដែលបង្ហាញឥរិយាបថបែបនេះ វាជាវិធីមួយដើម្បីបង្ហាញថា ចំណង់តណ្ហាផ្លូវភេទជាបញ្ហាស្មុគស្មាញច្រើនជាងអ្វីដែលយើងគិត ហើយកុំបណ្តែតបណ្តោយតាមពេលវេលា។

១. គាត់ជាបុរសមិនគោរពតាមច្បាប់របស់គាត់
បុរសម្នាក់ហាក់បីដូចជាចិត្តត្រជាក់ តែមួម៉ៅ និងរឹងរូសនៅពេលគាត់នៅជាមួយអ្នក ឬស្រែកដាក់អ្នកពេលជួបគ្នានៅហាង ប៉ុន្តែលោក Sohបានសរសេរថា "ឥរិយាបថលើគ្រែរបស់បុរសមិនខុសគ្នាពីឥរិយាបថខាងក្រៅរបស់គាត់ទេ”។ បន្ទប់គេងជាកន្លែងមួយដែលអ្នកចង់ឲ្យគូស្នេហ៍របស់អ្នកអនុវត្តតាមច្បាប់ ដែលអ្នកបានរៀបចំឡើង ហើយបុរសមិនល្អមិនគិតអនុវត្តតាមច្បាប់របស់គាត់ឡើយ។

២. នៅពេលគាត់សម្រុកចូលអ្នកដំបូង អ្នកបដិសេធនឹងគាត់ តែគាត់នៅតែព្យាយាមសម្រុកចូលខ្លាំងឡើង
នេះជាល្បិចមួយ ព្រោះស្នេហាលេងសើចជាច្រើនស្ថិតនៅលើបុរសដែលមិនចេះហត់នឿយនឹងការប្រឹងប្រែង ចំពោះស្រីស្អាតដែលបដិសេធនឹងគាត់ ហើយបុរសបានផ្តល់រង្វាន់សម្រាប់ការតស៊ូរបស់គាត់ ព្រោះគាត់អាចបានខ្លួនមនុស្សស្រីដល់ទីបញ្ចប់។ លោក Soh ព្រមានប្រឆាំងនឹងឥរិយាបថបែបនេះ ព្រោះវាអាចជាសញ្ញានៃការបង្ខិតបង្ខំផ្លូវភេទ ឬប្រើហិង្សាលើផ្លូវភេទ ឬជាការចាប់រំលោភ។

៣. គាត់មានចំណង់ផ្លូវភេទដើម្បីបំបាក់មុខ បំផ្លាញ ឬធ្វើឲ្យរាងកាយអ្នកឈឺចាប់
បុរសម្នាក់នេះដឹងថា គាត់នឹងធ្វើឲ្យអ្នកឈឺចាប់។ លោក Soh សរសេរថា ចំណង់តណ្ហាបែបនេះនឹងមិនសាបសូន្យឡើយ ប្រសិនបើបុរសចង់ធ្វើឲ្យអ្នកអាម៉ាស់។ វាជាចំណង់តណ្ហាក្នុងជីវិតរបស់គាត់។

៤. នៅពិធីជប់លៀង គាត់ជាមនុស្សស្ងៀមស្ងាត់ មិនចូលរួមក្នុងចំណោមមនុស្ស
បុរសដែលស្ងប់ស្ងាត់នៅតែឯង មិនរួមចំណែកក្នុងសង្គម ជាធម្មតាក៏ជាបុរសមិនខ្វល់ពីការជួបជុំក្នុងសង្គម។ លោក Soh ដឹងថា សេចក្តីសុខរបស់មនុស្សមិនខុសគ្នាទេ ហើយនេះអាចព្យាករណ៍ថា នេះជាមនុស្សចូលចិត្តប្រើហិង្សាលើផ្លូវភេទ។

៥. ផ្ទុយពីគ្មានសម្រើបនៅពេលអ្នកគ្មានអារម្មណ៍នឹងការរួមភេទ គាត់បែរជាមានអារម្មណ៍ពុះកញ្ជ្រោលខ្លាំងឡើង
អ្នកនិយាយថា "ទេ” តែគាត់មិនខ្វល់ថាអ្នកនិយាយអ្វីឡើយ។ បុរសភាគច្រើនគេនឹងឈប់ ឬអស់អារម្មណ៍។ ប៉ុន្តែបុរសដែលមានចំណង់នឹងការបង្ខិតបង្ខំផ្លូវភេទ នៅពេលអ្នកបដិសេធ អាចជារឿងមួយគ្រោះថ្នាក់បំផុត៕

ដោយ៖ មង្គលការ