បើគូស្នេហ៍ធុញនឹងគ្នាខ្លាំង តើគួរធ្វើដូចម្ដេចទើបត្រូវគ្នាវិញ?

ស្នេហាជា ពិតជាត្រូវភាពស្និទ្ធស្នាល និងភាពរស់រវើករវាងមនុស្សពីរនាក់។ មនុស្សម្នាក់មិនអាចគ្រាន់តែគិតថា នៅពេលពួកគេស្រឡាញ់គ្នា ពួកគេនឹងចេះមើលថែគ្នា។ ស្នេហាត្រូវការភាពរស់រវើកជាមួយកម្មភាពដ៏ផ្អែមល្ហែមពីមួយថ្ងៃទៅ មួយថ្ងៃ។

ខាងក្រោមនេះ យើងនឹងបង្ហាញពីរឿងរ៉ាវមួយចំនួនដែលអ្នកត្រូវធ្វើ នៅពេលអ្នកកំពុងតែមានអារម្មណ៍ធុញទ្រាន់នឹងស្នេហា។ អ្នកត្រូវបង្កើតភាពទាក់ទាញបន្តិច និងបង្កើនចំណាប់អារម្មណ៍លើសកម្មភាពរស់នៅប្រចាំថ្ងៃរបស់អ្នក។

ដូចដែលយើងបានលើកឡើងខាងលើ ស្នេហាត្រូវការភាពរស់រវើក ដូច្នេះអ្នកទាំង ២ត្រូវប្រើសមត្ថភាពរបស់អ្នកឲ្យបានល្អដើម្បីរក្សាចំណងស្នេហ៍ឲ្យ ស្ថិតស្ថេរ។ ប្រសិនបើបុគ្គលម្នាក់មិនអាចសម្រេចបានដូចការរំពឹងទុករបស់គូស្នេហ៍ទេ គឺមានឱកាសច្រើនណាស់ អាចធ្វើឲ្យស្នេហាត្រូវបែកបាក់គ្នា។

ដូច្នេះ ការស្វែងយល់ពីមូលហេតុដែលធ្វើឲ្យស្នេហាអ្នកទាំងពីរ មានភាពធុញទ្រាន់នឹងគ្នា ហើយអ្នកនឹងបានដឹងពីមូលហេតុដែលបំផ្លាញសុភមង្គលស្នេហារបស់អ្នក។ កែតម្រូវលើចំណុចខ្លួនឯងមួយចំនួនដើម្បីរក្សាស្នេហារបស់អ្នក។

អ្នកមានការធុញទ្រាន់ ហើយគេមិនល្អគ្រប់គ្រាន់សម្រាប់អ្នក
មនុស្សមិនដឹងថា ពួកគេកំពុងតែមិនអើពើនឹងបុគ្គលណាម្នាក់ឡើយ, កំហុសនេះធ្វើឲ្យពួកគេផ្តោតច្រើនតែទៅលើខ្លួនឯង ហើយមានការយកចិត្តទុកដាក់តិចតួចចំពោះគូស្នេហ៍ពួកគេ។ ប្រសិនបើគូស្នេហ៍អ្នកចង់និយាយជាមួយអ្នក ពេលដែលអ្នកកំពុងរវល់នឹងការងារ គិតឲ្យបានច្បាស់ មុនពេលអ្នកធ្វើឲ្យគូស្នេហ៍របស់អ្នកមានអារម្មណ៍ថាធុញទ្រាន់។

រំលឹកអនុស្សាវរីយ៍
ព្យាយាមធ្វើឲ្យជីវិតអ្នកត្រលប់ក្រោយទៅរកអ្វីដែលធ្វើឲ្យអ្នកទាំងពីរ មានភាពស្និទ្ធស្នាលនឹងផ្អែមល្ហែមគ្នា។ តើអ្នកទាំងពីរចូលចិត្តការទៅមើលកុនជាមួយគ្នា ឬធ្វើអ្វីផ្សេងដែរឬទេ? រំលឹកអនុស្សាវរីយ៍ស្រស់ត្រកាលឡើងវិញ ហើយព្យាយាមបង្កើតវានៅពេលបច្ចុប្បន្ននេះ។

ស្និទ្ធស្នាលនឹងធម្មជាតិ
ធម្មជាតិបានបង្កើតថាមពលវិជ្ជមានឲ្យអ្នក។ ដូច្នេះ ធ្វើដំណើរកំសាន្តទីឆ្ងាយៗដែលអ្នកទាំងពីរធ្លាប់បានទៅកន្លងមកជាមួយនឹង គូស្នេហ៍អ្នក។ ធ្វើរឿងអ្វីមួយដែលជាក្តីរំពឹងទុករបស់គូស្នេហ៍អ្នក។ វិធីនេះ នឹងធ្វើឲ្យអ្នកទាំងពីរលែងធុញទ្រាន់នឹងគ្នា។

បោះបង់ការសប្បាយនៅខាងក្រៅផ្ទះ
ដូចដែលបានលើកឡើងខាងលើ ធ្វើអ្វីដែលជាការចង់បានពីគូស្នេហ៍អ្នក។ ការធ្វើបែបនេះ ជាអ្វីដែលគូស្នេហ៍អ្នកទន្ទឹងរង់ចាំចង់បានពីអ្នក។ បោះបង់ការសប្បាយក្រៅផ្ទះឲ្យអស់ ហើយសម្លឹងមើលជីវិតពិតដ៏គួរឲ្យទាក់ទាញរបស់អ្នក។ ទម្លាយរឿងអាថ៌កំបាំងទាំងឡាយឲ្យគូស្នេហ៍អ្នកបានដឹង។

និយាយចំៗ
នេះជាតម្រូវការរបស់ស្នេហា។ ការមិនចេះយល់ពីចិត្តគ្នា និងការយល់ច្រលំធ្វើឲ្យស្នេហារបស់អ្នកកាន់តែយ៉ាប់យ៉ឺនខ្លាំងឡើងៗ។ បញ្ហានេះ ធ្វើឲ្យអ្នកចាប់ផ្តើមធុញទ្រាន់នឹងគ្នា។ ដូច្នេះ ដើម្បីចៀសវាងបញ្ហានេះ អ្នកត្រូវនិយាយទល់មុខគ្នាចំៗ។

ប្រើអារម្មណ៍គិត
ពេលខ្លះ អ្នកត្រូវយល់ថា ស្នេហាអាចធ្វើឲ្យមនុស្សធុញទ្រាន់។ ប៉ុន្តែមិនមែនញឹកញាប់ពេកទេ។ ផ្ទុយទៅវិញ អ្នកអាចរង់ចាំមើលអ្វីដែលគូស្នេហ៍របស់អ្នកចង់បាន នៅក្នុងស្ថានកំពុងតែភាពធុញទ្រាន់នឹងគ្នា។ ទោះបីជាយ៉ាងណា ត្រូវប្រើអារម្មណ៍គិតជាមុនសិន ដើម្បីចៀសវាងជម្លោះកើតឡើងជាមួយនឹងគូស្នេហ៍របស់អ្នក៕

ដោយៈ មង្គលការ