ហេតុផល ៧យ៉ាង បុរសគួរមានមិត្តស្រីជាងមានភរិយា!

ដូច្នេះ សុភាពបុរសទាំងឡាយ តើអ្នកចង់បានមួយណា ភរិយា ឬមិត្តស្រី? យើងប្រាកដថា បុរសៗ៩០% ចង់បានមិត្តស្រី ព្រោះនាងគ្មានតម្រូវការដូចជាភរិយាឡើយ។

ការសិក្សាស្រាវជ្រាវថ្មីៗនេះ បានបង្ហាញឲ្យដឹងថា មនុស្សស្រីចង់បានបុរសធ្វើជាស្វាមី ប៉ុន្តែបុរសៗមានជម្រើសផ្ទាល់ខ្លួនរបស់គេ។

បុរសៗចង់បានមិត្តស្រីជាងភរិយា, ហេតុផលតែមួយគត់ គឺដោយសារតែពួកគេចង់មានសេរីភាពច្រើនជាងការរៀបការ។ ដូច្នេះ មិត្តនារីៗ ប្រសិនបើអ្នកគិតថា គូស្នេហ៍អ្នកស្រឡាញ់ពេញចិត្តនឹងរៀបការជាមួយអ្នក អ្នកគួរគិតឡើងវិញម្តងទៀត ព្រោះមានមូលហេតុមួយចំនួនដែលបុរសៗចង់បានមិត្តស្រីជាងភរិយា។

ហេតុផលដែលបកស្រាយខាងក្រោម ពិតជាធ្វើឲ្យអារម្មណ៍អ្នកភ្ញាក់ផ្អើល និងតក់ស្លុត។ អង្គុយចុះឲ្យបានស្រួល ហើយអានដើម្បីដឹងពីចិត្តរបស់បុរស៖

មានសេរីភាពច្រើន
នៅពេលអ្នកមានមិត្តស្រី អ្នកនឹងមានសេរីភាពច្រើន, មានពេលវេលាផ្ទាល់ខ្លួនច្រើន បើប្រៀបធៀបនឹងភរិយា ដែលតែងតែនៅក្បែរៗអ្នក។

គ្មានអ្នកណាសួរគាត់
ភរិយានឹងតែងតែសួរពីទីកន្លែងដែលស្វាមីនាងកំពុងនៅ, ប៉ុន្តែមិត្តស្រីវិញនឹងមិនសួរបែបនេះឡើយ ព្រោះនាងក៏មិនថាគាត់នៅឯណាដែរ បើទោះបីជារហូតដល់ពាក់កណ្តាលយប់ក៏ដោយ។

មិត្តស្រីមិនមែនជាអ្នក តាមយាមអ្នកនោះទេ
មិនដូចជាភរិយាទេដែលតែងតែឃ្លាំមើលរាល់សកម្មភាពរបស់ស្វាមី, មិត្តស្រីមិនសូវជាខ្វល់ប៉ុន្មានទេ ហើយមានហេតុផលតែមួយ ដោយសារមិត្តស្រីតែងតែមិននៅក្បែរគូស្នេហ៍ ២៤ម៉ោងនោះទេ។

គាត់នឹងមានពេលវេលាច្រើនជាមួយមិត្តភក្តិ
ប្រសិនបើអ្នកមានមិត្តច្រើន អ្នកចង់ចំណាយពេលវេលាជាមួយពួកគេ, អ្នកអាចធ្វើបែបនេះបានតែនៅពេលអ្នកមិនទាន់រៀបការរួចតែប៉ុណ្ណោះ។ នៅពេលអ្នកពាក់ចិញ្ចៀនឲ្យនាងរួច អ្នកនឹងត្រូវបំភ្លេចមិត្តភក្តិទាំងអស់នោះ។ នេះជាហេតុផលមួយដែលបុរសៗមិនចង់រៀបការ រហូតដល់ពួកគេប្រាកដក្នុងចិត្តសិន។

មិនចាំបាច់មានការសុំអនុញ្ញាត
ប្រសិនបើអ្នកចង់គេងនៅក្រៅផ្ទះជាមួយមិត្តភក្តិ អ្នកអាចធ្វើបានដោយមិនចាំបាច់សុំការអនុញ្ញាតិពីអ្នកណាឡើយ។ ប៉ុន្តែនៅពេលអ្នករៀបការរួច អ្នកត្រូវគិត ២ដង និងសុំការអនុញ្ញាតពីភរិយា ដើម្បីកំសាន្តចិត្តខ្លួនឯង។

គ្មានឯកសារផ្សេងៗ
ពេលរៀបការត្រូវមានឯកសារច្រើន។ ប៉ុន្តែបើគ្រាន់តែជាស្នេហាធម្មតា មិនចាំបាច់ត្រូវមានជាប់ឯកសារអ្វីឡើយ។ អ្នកអាចមានសមត្ថភាពដើរចេញពេលណាក៏បាន។

អ្នកអាចគេងជាមួយមនុស្សស្រីបានច្រើន
បើទោះបីជានេះមិនមែនជាហេតុផលល្អមួយក៏ដោយ តែមានបុរសៗជាច្រើនមិនចង់រៀបការ ព្រោះពួកគេមានស្រីច្រើន។ នេះជាហេតុផលផ្សេងមួយទៀតដែលបុរសៗមួយចំនួនចង់បានមិត្តស្រីជាងភរិយា។

ដោយៈ មង្គលការ