Angkor Idea: 2016

Archive for 2016

តុលាការសម្រេចឃុំខ្លួនបុគ្គលិកអាជ្ញាធរអប្សរា៥នាក់ករណីកាប់ដើមគ្រញូង

សៀមរាប៖ ទីបំផុតទៅ តុលាការសាលាដំបូងខេត្តសៀមរាប នៅល្ងាចថ្ងៃទី១០ វិច្ឆិកាម្សិលមិញ បានសម្រេចឃុំខ្លួនជនសង្ស័យចំនួន៥នាក់ ដែលជាបុគ្គលិករបស់អាជ្ញាធរជាតិអប្សរា ករណីកាប់រំលំដើមគ្រញូងមួយដើមក្នុងឧទ្យានអង្គរនោះហើយ។

លោក ឈរ ថាណាត អគ្គនាយករងទទួលបន្ទុកនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន នៃអាជ្ញាធរជាតិអប្សរា លោក ចេវ ផល លោក ទូច តេត្រា លោក ឡី ជាតិ និងលោក ខាន់ ង៉ិក ត្រូវបានតុលាការសម្រេចឃុំខ្លួនបណ្តោះអាសន្ន នៅពន្ធនាគារ។ មនុស្សទាំង៥នាក់នេះ រងបទចោទពាក់ព័ន្ធករណីកាប់ដើមឈើកម្រ យោងតាមមាត្រាទី៩៨ នៃច្បាប់ព្រៃឈើ។

ជនសង្ស័យទាំង៥នាក់ ដែលជាបុគ្គលិករបស់អាជ្ញាធរជាតិអប្សរា ពាក់ព័ន្ធនឹងករណីកាប់រំលំដើមគ្រញូងចំណាស់មួយដើម ត្រូវបាននាំខ្លួនទៅសួរចម្លើយនៅតុលាការខេត្តសៀមរាប កាលពីព្រឹកថ្ងៃទី១០ វិច្ឆិកា។ យោងតាមការចម្លើយសារភាព ពួកគេពិតជាពាក់ព័ន្ធនឹងករណីកាប់ដើមគ្រញូងពិតប្រាកដមែន ដោយមានលោក ឈរ ថាណាត ជាអ្នកបញ្ជាពីលើ។

គួររម្លឹកថា ដើមគ្រញូងមួយដើម មានមុខកាត់ ៨៥សង់ទីម៉ែត្រ បណ្តោយ១៥ម៉ែត្រ ត្រូវបានក្រុមបុគ្គលិកព្រៃឈើរបស់អាជ្ញាធរជាតិអប្សរា ចូលទៅកាប់កាលពីព្រឹកថ្ងៃទី៦ វិច្ឆិកាកន្លងទៅ ដោយបង្កឲ្យមានការភ្ញាក់ផ្អើលពីប្រជាពលរដ្ឋរស់នៅភូមិនគរក្រៅ សង្កាត់គោកចក ក្រុងសៀមរាប។ ដើមគ្រញូងនោះគឺជាទីសក្ការបូជាដ៏ស័ក្តសិទ្ធរបស់អ្នកភូមិផងដែរ ហើយពួកគេតែងរៀបចំពិធីផ្សេងៗនៅទីនោះ ជាពិសេសពេលមានបុណ្យឡើងអ្នកតាម្តងៗ។

ករណីនេះដែរ អាជ្ញាធរជាតិអប្សរាឆ្លើយថា ខ្លួនគ្រាន់តែចង់បញ្ចៀសគ្រោះថ្នាក់ ដែលអាចបណ្តាលឲ្យដួលរំលំបាក់សង្កត់ប្រជាពលរដ្ឋ និងភ្ញៀវទេសចរតែប៉ុណ្ណោះ ព្រោះថាដើមគ្រញូងនោះ ត្រូវបានក្រុមជនមិនស្គាល់មុខលួចកាប់មុន ជិតដួលទៅហើយ។ យ៉ាងណា លោក ឈរ ថាណាត បានសរសេរលិខិតសុំទោស និងព្រមទទួលរាល់កំហុសរបស់លោក ដោយសារលោកសម្រេចចិត្តកាប់ផ្តួលដើមគ្រញូង ដោយមិនបានសុំគោលការណ៍ពីអគ្គនាយកអាជ្ញាធរជាតិអប្សរា៕

source: ThmeyThmey

Google កែទម្រង់កម្មវិធី Chrome របស់ខ្លួនឱ្យកាន់តែប្រសើរជាងមុន

m4thai 00:36 Add Comment

ក្រុមហ៊ុន Google កំពុងតែធ្វើតេស្តកំណែទម្រង់កម្មវិធី Chrome សម្រាប់ដាក់នៅក្នុងប្រព័ន្ធប្រតិបត្តិការទូរស័ព្ទ Android ឱ្យកាន់តែប្រសើរឡើង។ គេបានដាក់កម្មវិធី Chrome របស់ខ្លួននៅផ្នែកខាងក្រោមនៃអេក្រង់របស់ទូរស័ព្ទ។ វាមើលទៅហាក់បីដូចជាបំលាស់ប្តូរដ៏សាមញ្ញមួយរបស់ Google។ ប៉ុន្តែវាអាចធ្វើឱ្យកម្មវិធីនេះមានភាពងាយស្រួលក្នុងការប្រើប្រាស់សម្រាប់លោកអ្នក។ នៅពេលអ្នកកាន់ទូរស័ព្ទនៅក្នុងដៃស្តាំ អ្នកនឹងកាន់តែងាយស្រួលចុច ដើម្បីជ្រើសរើសយកកម្មរិធី Chrome ព្រោះការរចនាថ្មីនេះបានដាក់ផ្ទាំងឆ្លាស់នៅក្បែរនឹងមេដៃរបស់អ្នក ងាយស្រួលឱ្យអ្នកចុច។

Google នឹងអភិវឌ្ឍន៍កម្មវិធី Explorer ចុងក្រោយរបស់ខ្លួនថ្មីមួយដ៏អស្ចារ្យសម្រាប់យុគសម័យថ្មីនេះ ដើម្បីក្លាយជាពិភពរុករកដ៏អស្ចារ្យគ្មានពីរលើលោក។ Google សង្ឃឹមថា ការផ្លាស់ទីរបស់ Chrome នៅផ្ទៃខាងក្រោមរបស់អេក្រង់ទូរស័ព្ទអាចជួយបង្កើនភាពងាយស្រួល និងអាចផ្តល់នូវបទពិសោធន៍ថ្មីៗសម្រាប់អ្នកនិយមប្រើប្រាស់ Chrome។ ក្រុមហ៊ុនGoogle ក៏នឹងសង្ឃឹមថា ការប្រើប្រាស់ Chrome នៅក្នុងស្មាតហ្វូនក៏នឹងកាន់តែច្រើនឡើងៗ ក្រោយកំណែតម្រង់ថ្មីនេះរបស់ខ្លួន៕

source: mungkulkar

ស្រលាញ់អូនត្រូវមានកាដូអេាយអូន funny kids khmer | comedy kids |cambodia kids

m4thai 05:27 Add Comment

source: youtube

អត្ថប្រយោជន៍ដ៏លើសលប់របស់ស្រាបៀដែលអ្នកមិនធ្លាប់បានដឹងពីមុនមក

m4thai 02:55 Add Comment

យើងទាំងអស់គ្នាប្រាកដជាដឹងហើយថា ស្រាបៀ ជាភេសជ្ជៈស្រវឹងដែលជាធម្មតា មនុស្សចូលចិត្តទទួលទានពេលញ៉ាំអាហារ។ ស្រាបៀមានផ្ទុកនូវសារធាតុប្រូតេអ៊ីន និងវីតាមីន B ច្រើនជាងស្រា តែសារធាតុប្រឆាំងនឹងអុកស៊ីតកម្មមានបរិមាណស្មើគ្នា។ អ្នកក៏គួរតែដឹងថា ស្រាបៀ ជាប្រភពនៃសារធាតុខនិជ ដើរតួនាទីសំខាន់ក្នុងការជួយដល់ការរំលាយអាហារ។ ប្រសិនបើទទួលទានវាក្នុងបរិមាណគ្រប់គ្រាន់ល្មម វាអាចជួយបង្កើនសុខភាពរបស់អ្នក។

ខាងក្រោមនេះជាមូលហេតុ ១០យ៉ាងដែលអ្នកគួរទទួលទានស្រាបៀ៖

១. ស្រាបៀនឹងជួយរក្សាសុខភាពតម្រងនោមរបស់អ្នក។ តាមការស្រាវជ្រាវកាលពីថ្មីៗនេះបានរកឃើញថា ជាការពិតណាស់ ស្រាបៀមួយកំប៉ុងៗដែលអ្នកផឹក អាចជួយកាត់បន្ថយបញ្ហាក្រួសក្នុងតម្រងនោមបាន ៤០%។

២. ស្រាបៀអាចជួយកម្ចាត់ជាតិកូឡេស្តេរ៉ុលអាក្រក់ក្នុងខ្លួនអ្នក។

៣. ស្រាបៀក៏អាចជួយបង្កើនកម្រិតវីតាមីន B។ យោងតាមអ្នកជំនាញជាច្រើនបានឱ្យដឹងថា ភេសជ្ជៈនេះផ្ទុកវីតាមីន B1 B2 B6 និងB12។ អ្នកផឹកស្រាបៀទទួលបានកម្រិតវីតាមីន B6 ខ្ពស់ជាងអ្នកមិនផឹក ហើយវាក៏ច្រើនជាងអ្នកផឹកស្រាទ្វេដង។

៤. ស្រាបៀជួយធ្វើឱ្យឆ្អឹងរឹងមាំ។ កម្រិតស៊ីលីកូនក្នុងស្រាបៀអាចជួយបង្កើនដង់ស៊ីតេរបស់ឆ្អឹង។

៥. ស្រាបៀក៏ជាឱសថព្យាបាលជំងឺគេងមិនលក់ផងដែរ។

៦. ស្រាបៀជួយកាត់បន្ថយជំងឺបេះដូងរបស់អ្នក។ យោងតាមអ្នកជំនាញ ស្រាបៀអាចជួយកាត់បន្ថយជំងឺបេះដូងបានពី ៤០-៦០% បើប្រៀបធៀបទៅនឹងអ្នកមិនផឹក។

៧. ស្រាបៀក៏អាចជួយការពារពីការកកឈាម។ អ្នកជំនាញនិយាយថា ធាតុផ្សំក្នុងស្រាបៀនឹងជួយរារាំងដល់ការកកជាដុំឈាម។

៨. អ្នកជំនាញនិយាយថា ស្រាបៀនឹងជួយបង្កើនការចងចាំរបស់អ្នក។ ការសិក្សាថ្មីៗនេះបានបង្ហាញថា អ្នកផឹកស្រាបៀមិនងាយនឹងជួបបញ្ហាជំងឺបាត់ការចងចាំឡើយ។

៩. ភេសជ្ជៈនេះក៏អាចជួយបំបាត់ភាពតានតឹងបានដែរ។ ក្រុមអ្នកជំនាញមកពីសកលវិទ្យាល័យ ម៉ុងទ្រៀល (Montreal) បានរកឃើញថា ផឹកស្រាបៀអស់ ២កែវក្នុង ១ថ្ងៃអាចជួយកាត់បន្ថយភាពតានតឹង ឬអារម្មណ៍ធុញថប់នឹងការងារ។

១០. ហើយអ្វីដែលពិសេសនោះ ស្រាបៀនឹងជួយឱ្យស្បែកអ្នកកាន់តែមានសម្រស់ក្មេងជាងវ័យ។ អ្នកជំនាញជាច្រើននិយាយថា វីតាមីនក្នុងស្រាបៀអាចជួយកម្ចាត់កោសិកាស្បែកងាប់ ឱ្យកោសិកាស្បែកថ្មីលូតលាស់។ ស្បែករបស់អ្នកនឹងកាន់តែទន់ ម៉ត់រលោង៕

credit: មង្គលការ

Samsung Galaxy Note 7 ប៊ិះសម្លាប់មនុស្សមួយគ្រួសារនៅរដ្ឋផ្លរីដា (video)

m4thai 04:19 Add Comment

credit: postnews

គណបក្សសង្គ្រោះជាតិ និងប្រជាពលរដ្ឋ ចាត់ទុកការដាក់កងកម្លាំងចម្រុះ និងដាក់រនាំងបិទផ្លូវជាតិលេខ២ នៅម្តុំទីស្នាក់ការគណបក្សសង្គ្រោះជាតិ នៅព្រឹកថ្ងៃទី៥ ខែកញ្ញា គឺជាការរំលោភសិទ្ធិដើរហើររបស់ពលរដ្ឋយ៉ាងធ្ងន់ធ្ងរ និងទាញឲ្យស្ថានការណ៍ប្រទេសកាន់តែអាក្រក់ខ្លាំង។

m4thai 21:57 Add Comment

credit: RFA Khmer

ពិតដែរឬទេ? ថ្ងៃ 23/09/2016 ព្រះអាទិត្យនឹងរះត្រង់ចំកណ្តាលប្រាសាទអង្គរវត្ត ជាថ្ងែដ៏សែនពិសិដ្ឋរបស់ព្រះបាទសូរ្យវរ្ម័នទី២

m4thai 17:48 Add Comment

កាលពីពេលថ្មីៗនេះមានការភ្ញាក់ផ្អើលលើបណ្តាញសង្គម Facebook ថានៅថ្ងៃទី ២៣ ខែកញ្ញ ឆ្នាំ ២០១៦ នេះគឺជាថ្ងៃដ៏ពិសិដ្ឋមួយរបស់ព្រះបាទសូរ្យវរ្ម័នទី ២ ដែលទទួលបានពរ និងឬទ្ធិយ៉ាងមហិមាស្តេចគ្រប់គ្រង មហាចក្រភពនគរ។ នៅក្នុងបណ្តាញសង្គមបានសរសេរថា សូមអញ្ជើញលោក លោកស្រី ត្រៀមសំពះព្រះអាទិត្យនៅថ្ងែដ៏សែនពិសិដ្ឋដែលព្រះបាទសូរ្យវរ្ម័នទី២ ទ្រង់តែងទទួលបានពរ និងឬទ្ធិយ៉ាងមហិមាស្តេចគ្រប់គ្រង មហាចក្រភពនគរ គឺថ្ងៃទី : 23/09/2016 ព្រះអាទិត្យនឹងរះត្រង់ ចំកណ្តាលប្រាសាទអង្គរវត្ត។

តើប្រិយមិត្តគិតយ៉ាងណាដែរចំពោះការសរសេរមួយនេះលើបណ្តាញសង្គម Facebook? តាមយោបល់របស់ខ្មែរណូតអាចគិតថា អាចសមហេតុផលម្យ៉ាងដែរ ព្រោះប្រាសាទអង្គរវត្ត និងបណ្តាលប្រាសាទនានាគឺមានអាថ៍កំបាំងមិនតិចទេ ហើយបុព្វបុរសខ្មែរក៏មានមន្តអាគមបារមីស័ក្តសិទ្ធផងដែរ? សង្ឃឹមថាបងប្អូនអាចចែករំលែកទស្សនះផ្សេងៗ ចែកឲ្យមិត្តដទៃបានដឹងផង៕

ដោយ៖ khmernews

អង្គការ Global Witness បដិសេធថា លោក កែម ឡី មិនពាក់ព័ន្ធនឹងរបាយការណ៍ចុងក្រោយរបស់ខ្លួនទេ

m4thai 03:42 Add Comment

អង្គការ Global Witness ដែលមានមូលដ្ឋាននៅក្នុងប្រទេសអង់គ្លេស បានលើកឡើងថា ខ្លួនមិនបានទាក់ទងលោកបណ្ឌិត កែម ឡី សម្រាប់របាយការណ៍ស៊ើបអង្កេតថ្មីមួយរបស់ខ្លួន ដែលមានចំណងជើងថា Hostile Takeover ឬបណ្តាញនៃក្រុមហ៊ុនដ៏មហិមារបស់គ្រួសារកាន់អំណាចនៅកម្ពុជានោះទេ។
វ៉ាស៊ីនតោន —
អង្គការ Global Witness ដែលមានមូលដ្ឋាននៅក្នុងប្រទេសអង់គ្លេស បានលើកឡើងថា ខ្លួនមិនបានទាក់ទងលោកបណ្ឌិត កែម ឡី សម្រាប់របាយការណ៍ស៊ើបអង្កេតថ្មីមួយរបស់ខ្លួន ដែលមានចំណងជើងថា Hostile Takeover ឬបណ្តាញនៃក្រុមហ៊ុនដ៏មហិមារបស់គ្រួសារកាន់អំណាចនៅកម្ពុជានោះទេ។ នេះបើយោងតាមសេចក្តីថ្លែងការណ៍មួយរបស់អង្គការនេះ ដែលបានចេញផ្សាយកាលពីថ្ងៃព្រហស្បតិ៍ម្សិលម៉ិញ។

លោក Patrick Alley សហស្ថាបនិកនៃអង្គការ Global Witness បានថ្លែងនៅក្នុងសេចក្តីថ្លែងការណ៍របស់លោកថា៖ «ផ្ទុយពីរបាយការណ៍ព័ត៌មានមួយចំនួន គឺលោក កែម ឡី មិនជាប់ពាក់ព័ន្ធនឹងការស៊ើបអង្កេតរបស់អង្គការ Global Witness ទេ»។

ប៉ុន្តែ លោក Patrick Alley លើកឡើងថា លោក កែម ឡី ត្រូវបានទាក់ទងត្រឹមតែដើម្បីធ្វើការអត្ថាធិប្បាយទៅលើការរកឃើញនៅក្នុងរបាយការណ៍របស់អង្គការGlobal Witness ហើយ លោក កែម ឡី ក៏បានផ្តល់បទសម្ភាសន៍ដល់វិទ្យុអាស៊ីសេរី និងវិទ្យុ VOA ដោយរៀបរាប់ពីអត្ថប្រយោជន៍នៃរបកគំហើយពីរបាយការណ៍នេះដល់ប្រជាពលរដ្ឋកម្ពុជា។

លោកបណ្ឌិត កែម ឡី ត្រូវបានឃាតករបាញ់ស្លាប់ទាំងកណ្តាលថ្ងៃនៅក្នុងហាងមួយចំកណ្តាលក្រុងភ្នំពេញ កាលពីថ្ងៃទី១០ ខែកក្កដា គឺតែបីថ្ងៃប៉ុណ្ណោះ ក្រោយពីអង្គការ Global Witness បានចេញផ្សាយរបាយការណ៍ Hostile Takeoverឬបណ្តាញនៃក្រុមហ៊ុនដ៏មហិមារបស់គ្រួសារកាន់អំណាចនៅកម្ពុជានេះ ដែលបង្ហាញថា ក្រុមគ្រួសាររបស់លោកនាយករដ្ឋមន្ត្រី ហ៊ុន សែន បានក្តោបក្តាប់ទ្រព្យសម្បត្តិផ្ទាល់ខ្លួនដ៏សន្ធឹកសន្ធាប់នៅក្នុងវិស័យឯកជន ដោយគ្រប់គ្រងក្រុមហ៊ុនយ៉ាងច្រើន។

លោក Patrick Alley នៃអង្គការGlobal Witness បានថ្លែងថា៖ «មរណភាពរបស់លោក កែម ឡី គឺជាសារដ៏សោកសង្រេងមួយ ដែលរំលឹកយើងអំពីភាពផុយស្រួយនៃសេរីភាពជាច្រើនដែលយើងខំតស៊ូរក។ លោកបានធ្វើការងារយ៉ាងក្លាហាន និងដោយខ្លាចនឿយហត់ ដើម្បីការពារសិទ្ធិរបស់ពលរដ្ឋខ្មែរ ក្នុងការសម្ដែងមតិរបស់ពួកគេ ដោយសេរី និងធ្វើឲ្យរដ្ឋាភិបាលរបស់ពួកគេទទួលខុសត្រូវ»៕

credit: voanews

1000 Shareប្រសិនបើកូនខ្មែរចង់អោយឧត្ថម្ភាចក្រនិងកងកម្លាំងអស់ទាំងនេះទៅការពារព្រំដែនជាមួយយួនកុំខ្លាំងបានតែជាមួយខ្មែរពេក😓😓😓😓😓

m4thai 19:11 Add Comment

credit: youtube

ព្រះមហាក្សត្រក្នុងសម័យអង្គរបានបន្សល់ទុកនូវទស្សនវិជ្ជា និងសង្គមវិជ្ជាដឹកនាំនរគខ្មែរ

m4thai 06:15 Add Comment

ព្រះមហាក្សត្រក្នុងសម័យអង្គរបានបន្សល់ទុកនូវទស្សនវិជ្ជា និងសង្គមវិជ្ជាដឹកនាំ និងការពារនគរបែបខ្មែរដ៏ពិសេសមួយដល់អ្នកដឹកនាំជំនាន់ក្រោយៗដោយទ្រង់បង្ហាញទស្សនវិជ្ជានោះតាមរបៀបនៃការសង់ប្រាសាទសិលាដ៏រឹងមាំស្ថិតស្ថេរគង់វង្សនៅលើផែនដីដោយការផ្គុំដុំសិលាជាច្រើនម៉ឺនសែនដុំជាមួយគ្នា។ នេះបើតាមលោក សំបូរ ម៉ាណារ៉ា ដែលជាសាស្ដ្រាចារ្យប្រវត្តិសាស្ដ្របង្រៀននៅសាកលវិទ្យាល័យបញ្ញាសាស្ត្រកម្ពុជា និងសាកលវិទ្យាល័យភូមិន្ទភ្នំពេញ។ ក្នុងកិច្ចសម្ភាសន៍ជាមួយ ភ្នំពេញ ប៉ុស្ដិ៍ ជាងមួយម៉ោងអំពីមុខវិជ្ជាប្រវត្តិវិទ្យា លោក សំបូរ ម៉ាណារ៉ា បានមើលឃើញពីរបៀបដឹកនាំប្រទេសរបស់មហាក្សត្របុរាណមានលក្ខណវិទ្យាសាស្រ្ដ និងសង្គមសាស្រ្តដែលគួរជាទីចាប់អារម្មណ៍ចំពោះអ្នកសិក្សាប្រវត្តិសាស្ដ្រ និងអ្នកដឹកនាំកម្ពុជាសម័យទំនើប។

credit: Post Khmer

Cambodia News, បែកធ្លាយតម្រុយថ្មីអំពី ឃាតកម្មលើលោកបណ្ឌិត កែម ឡី,update on 20 2016

m4thai 04:18 Add Comment

credit: youtube

ទិដ្ឋភាព សូត្រមន្តបង្សកូល រាប់បាត្រ ឧទន្ទិសវិញ្ញាណក្ខន្ធជនរងគ្រោះបាត់បង់ជីវិតនៅស្រុកមោងឬស្សី សូមឲ្យបងប្អូនជួបប្រទះតែសំណាងល្អ!

m4thai 03:32 Add Comment

នៅព្រឹកថ្ងៃ៣១ សីហា ២០១៦ ស្ថិតនៅចំណុចគ្រោះថ្នាក់ចរាចរណ៍មនុស្សស្លាប់៩ នាក់ និងរបួសធ្ងន់៤នាក់រវាងរថយន្តបែនដឹកដីនិងរថយន្តសាំយ៉ុង ក្នុងស្រុកមោងឬស្សី ខេត្តបាត់ដំបង មានរៀបចំពិធីសាសនា និមន្តព្រះសង្ឃ៣០អង្គ និង សមត្ថកិច្ច មន្រ្តីរាជការ ប្រជាពលរដ្ឋជាង២០០នាក់ សូត្រមន្តបង្សកូល រាប់បាត្រ ឧទន្ទិសវិញ្ញាណក្ខន្ធជនរងគ្រោះបាត់បង់ជីវិត និងសូត្រមន្តដេញឩបទ្រពចង្រៃ ដែលអពមង្គល ចាកឆ្ងាយផុត ។ សុំសេចក្តីសុខចំរើនដល់ជនរួមជាតិដែលធ្វើដំណើរឆ្លងកាត់ជួបតែសុវត្ថិភាពគ្រប់ពេលវាលា។

បញ្ចីរាយនាមជនរងគ្រោះដែលបាត់បង់ជីវិតនៅក្នុងគ្រោះថ្នាក់ដ៍រន្ធត់នេះ។ សូមចូលរួមរំលែកទុក្ខដល់ក្រៀមក្រំនេះចំពោះក្រុមគ្រួសារអ្នកដែលបានស្លាប់ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់នោះ!

១. ឈ្មោះ រស់ រស្មី ភេទស្រី អាយុ២១ឆ្នាំ រស់នៅសង្កាត់ កា កាប ខណ្ឌឫស្សីកែវ រាជធានី ភ្នំពេញ ។
២. ឈ្មោះ អ៊ុន គឹម លាង ភេទស្រី អាយុ៤៣ឆ្នាំ រស់នៅ ភូមិពាញែក ឃុំផ្ទះព្រៃ ក្រុងសំពៅមាស ខេត្តពោធិសាត់ ។
៣. ឈ្មោះ ហ៊ាង សូលីណែត ភេទស្រី អាយុ២៦ឆ្នាំ រស់នៅ សង្កាត់ច្បាអំពៅ ខណ្ឌច្បាអំពៅ ។
៤. ឈ្មោះ លេង ប៊ុនធឿន ភេទប្រុស អាយុ៤៧ឆ្នាំ មុខរបរ ផ្នែកសុខាភិបាល រស់ នៅសង្កាត់ស្ទឹងមានជ័យ ខណ្ឌស្ទឹងមានជ័យ ។
៥. ឈ្មោះ ឆោម លឹម ហុង ភេទប្រុស អាយុ២៨ឆ្នាំ មុខរបរ គ្រូ រស់នៅភូមិតាហែន២ ឃុំរការ ស្រុកសង្កែ ខេត្តបាត់ដំបង
៦. ឈ្មោះ ប៉ោង សុជាតា ភេទស្រី អាយុ១៩ឆ្នាំ រស់នៅភូមិ អូបែកក្អម សង្កាត់ទឹកថ្លា ខណ្ឌសែនសុខ ។
៧. ឈ្មោះ យ៉ែម សារ៉ាត់ ភេទប្រុស អាយុ២១ឆ្នាំ រស់នៅ ភូមិតាឡី ឃុំគរ ស្រុកព្រៃឈរ ខេត្តកំពង់ចាម ។
៨. ឈ្មោះ រស់ ពិសី ភេទស្រី អាយុ២៣ឆ្នាំ រស់នៅ បុរី លឹម ឃាង ហាក់ សង្កាត់កណ្តូក ខណ្ឌពោធិសែនជ័យ។
៩. ឈ្មោះ ឃ្លី ពិសី ភេទប្រុស អាយុ២៥ឆ្នាំ រស់នៅភូមិរំចេក៤ សង្កាត់រតន ក្រុងបាត់ដំបង ខេត្តបាត់ដំបង ។
១០. ឈ្មោះ យិន ស៊ីវ ឆេង ភេទ ស្រី អាយុ ២៦ឆ្នាំ រស់នៅ ភូមិ ព្រៃ ល្វា ឃុំព្រៃល្វា ស្រុកព្រៃកប្បាស ខេត្តតាកែវ ។

អ្នកដែលស្លាប់អ្នកខាងលេីបានជួបគ្រោះថ្នាក់ចរាចរណ៍នៅខេត្តបាត់ដំបង កាលពីវេលាម៉ោង១៥:៣០នាទីរសៀលថ្ងៃទី២៩ សីហា ម្សិលមិញ នៅចំណុចភូមិព្រៃដំរី ឃុំព្រៃតូច ស្រុកមោងឫស្សី ។មានករណីគ្រោះថ្នាក់ចរាចរបង្កឡើងដោយរថយន្តម៉ាកនីសាន់ កង់៦ គ្មានស្លាកលេខ បើកបរដោយឈ្មោះ ឃ្លី ពិសី ភេទប្រុស អាយុ២៥ឆ្នាំ រស់នៅភូមិរំចេក៤ សង្កាត់រតន: ក្រុងបាត់ដំបង (ស្លាប់) បានបើកជែងរថយន្តមួយគ្រឿងក្នុងស្ថានភាព គ្រោះថ្នាក់ហើយក៏ជ្រុលទៅបុកនឹងរថយន្តទេសចរណ៍ដឹកអ្នកដំណើរ១៥កៅអី របស់ក្រុមហ៊ុនមេគង្គអ៊ិចប្រែស ស្លាកលេខ ភ្នំពេញ 2W-1349 បណ្ដាលឲ្យមនុស្សស្លាប់ រណូករណែកពេញផ្លូវ និងខ្លះទៀតស្លាប់គៀបជាប់នឹងរថយន្ត។ ចំណែកនាក់រងរបួសធ្ងន់ទាំង៤នាក់ បច្ចុប្បន្នកំពុងសម្រាកព្យាបាលនៅមន្ទីរពេទ្យបង្អែកខេត្តបាត់ដំបង៕

credit: kohsantepheap

សេង សូណា បង្ហាញសម្រស់សុដន់ និងបែបស្រើបស្រាលតាមវីដេអូឃ្លីប

m4thai 03:11 Add Comment

រាជធានីភ្នំពេញ ៖ តារាសម្តែងដែលចូលចិត្តបង្ហាញសម្រស់ដើមទ្រូងនាងសេង សូណា បានបញ្ចេញវីដេអូឃ្លីបខ្លីមួយបង្ហាញភាពស្រើបស្រាល និងសិចស៊ីបង្ហោះតាមហ្វេសប៊ុកកាលពីពេល ថ្មីៗកន្លងមក ។

ការបង្ហាញរូបភាពសិចស៊ីរបស់សេង សូណា នេះមិនមែនជារឿងមួយថ្មីទេ ពោលគឺនាងធ្លាប់ធ្វើបែបនេះម្តងជាពីររួចមកហើយ បើទោះបីជារងការរិះគន់ពីមហាជនក៏ដោយ ។

ក្នុងវីដេអូឃ្លីនោះសេង សូណា ស្លៀកឈុតរូ៉បរាត្រីពណ៌ផ្កាឈូក រំលេចសុដន់ជាមួយនឹងកាយវិការស្រើបស្រាយដេកនៅលើគ្រែ ។ ទោះជាយ៉ាងណាក៏ដោយ ការបញ្ចេញរូបភាពរបស់សេង សូណា នោះមិនសូវទទួលបានការគាំទ្រច្រើនពីអ្នកលេងហ្វេសប៊ុកឡើយ ខណៈនាងស្ងប់ស្ងាត់ក្នុងវិស័យសិល្បៈ ។

អ្នកទស្សនាមួយចំនួនចំអកទៅសេង សូណា ថា តើការបង្ហោះរូបភាពបែបនេះទទួលបានអ្វីមកវិញ ។ សេង សូណា ឆ្លើយយ៉ាងខ្លីថា «នាងមិនចង់បានអ្វីឡើយ» ។

កាលពីអំឡុងឆ្នាំ២០១៤ ក្រោយពីអវត្តមានក្នុងពិភពសិល្បៈអស់ជាងមួយឆ្នាំនោះ តារាសម្តែងនាងសេង សូណា បានបង្ហាញភាពសិចស៊ីដោយមិនខ្លាចញញើតចំពោះមុខម៉ាស៊ីនថតរបស់អ្នកសារព័ត៌មានទ្បើយ ក្នុងពេលដែលនាងចូលរួមសម្តែងឱ្យផលិតកម្មបុប្ផា ថតខារ៉ាអូខេសម្រាប់បុណ្យចូលឆ្នាំថ្មីប្រពៃណីជាតិ ។

រូបភាពរបស់នាងសេង សូណា ត្រូវគេបង្ហោះនៅលើគេហទំព័រព័ត៌មាន ក្នុងស្រុកមួយ ហើយត្រូវគេចែកចាយបន្តតាមហ្វេសប៊ុក ។

តារាសម្តែងមានប្រភពពីខេត្តបាត់ដំបងសេង សូណាបញ្ជាក់ថា នាងបាត់មុខមួយរយៈពីពិភពសិល្បៈ ហេតុនេះពេលត្រទ្បប់មកវិញ នាងត្រូវធ្វើអ្វីដើម្បីជាការទាក់ទាញទស្សនិកជនជាថ្មីទ្បើងវិញ ។ ការបង្ហាញភាពសិចស៊ីរបស់នាងនាពេលនេះគឺមិនបារម្ភពីការរិះគន់ទ្បើយ ។ ការវិលមកកាន់ពិភពសិល្បៈជាថ្មីរបស់នាង គឺក្នុងគោលបំណងបំបាត់ចោលរឿងរ៉ាវស្នេហាដែលបានជួបប្រទះ ហើយចាប់ផ្តើម លេងខ្លួនឱ្យមានភាពភ្ញាក់ផ្អើលនៅក្នុងអាជីពសិល្បៈរបស់នាងជាថ្មី ។ នាងបន្ថែមថា «ក្នុងវ័យនាពេលនេះទៅហើយ នាងខ្ញុំមិនខ្លាចនូវភាពសិចស៊ីនេះទទួលរងនូវការរិះគន់ទេ ខណៈពេលដែលភាពសិចស៊ីរបស់នាងខ្ញុំមិនដល់ថ្នាក់ស្រាតទាំងអស់នោះទ្បើយ» ។

នៅពេលសួរថា កន្លងមកតារាមួយចំនួនរងការរិះគន់ខ្លាំងពីមហាជនស្ទើរតែបាត់បង់អាជីពសិល្បៈដោយសារភាពសិចស៊ីនេះ ចំពោះនាងតើភ័យខ្លាចទេ ? នាង សេង សូណា ឆ្លើយតបថា ភាពសិចស៊ីរបស់នាង គឺមិនបានគិតដល់ចំណុចមួយនេះទ្បើយ ព្រោះនាងគិតថា អ្វីដែលនាងធ្វើក្នុងន័យសិល្បៈប៉ុណ្ណោះ មិនមែនទាក់ទាញក្នុងផ្លូវសេ្នហាឡើយ ៕

credit: everyday.com.kh

វត្តមាន ខេមរៈ សេរីមន្ត ធ្វើឲ្យកក្រើកពេញប្រទេសថៃហើយ!

m4thai 03:03 Add Comment

កំពូលតារាចម្រៀង លោក ខេមរៈ សេរីមន្ត នឹងចូលរួមប្រគុំតន្រ្តីខ្នាតធំ នៅក្នុងព្រះរាជណាចក្រថៃ នាថ្ងៃទី ០៤ ខែកញ្ញា ឆ្នាំ២០១៦ខាងមុខនេះ។ ការប្រគុំតន្រ្តីខ្នាតអន្តរជាតិនៅក្នុងព្រះរាជាណាចក្រថៃ និងមានវត្តមានតារាជាច្រើនចូលរួម។

លើសពីនេះ ការប្រគុំតន្រ្តីខ្នាតអន្តរជាតិនៅក្នុងព្រះរាជាណាចក្រថៃ ចូលរួមដោយកំពូលតារាចម្រៀងក្នុងព្រះរាជាណាចក្រកម្ពុជាលោក ខេមរៈ សេរីមន្ត និងតារាចម្រៀងល្បីៗប្រចាំព្រះរាជាណាចក្រថៃជាច្រើនរូបទៀត។

ការប្រគុំតន្រ្តីនេះ នឹងត្រូវបានប្រព្រិត្តិទៅនៅសាលមហោស្រពមហាវិទ្យាល័យ ថាំមសាទរាំងស៊ីត (នៅម្តុំផ្សារ តាឡាកថៃ)ចាប់ពីវេលាម៉ោង ៣រសៀលតទៅ នៅថ្ងៃអាទិត្រទី ០៤ ខែ កញ្ញា ឆ្នាំ ២០១៦ ខាងមុននេះហើយ៕

credit: chnchannel

សមត្ថកិច្ចប្រមូលស្ទាវសម្ងំឱបរឹតគ្នាបានជាង៤០នាក់

m4thai 02:17 Add Comment

ខេត្តបាត់ដំបង ៖ ក្រុមក្មេងស្ទាវមានប្រុស មានស្រី ជាង៤០នាក់ ដែលវង្វេងផ្ទះសម្បែងទៅសម្ងំឱបរឹតគ្នាយ៉ាងស្អិតរមួតនៅតាមសួនច្បារសាធារណៈ ត្រូវកម្លាំងនគរបាលផ្នែកបង្ការ-បង្ក្រាប នៃការិយាល័យព្រហ្មទណ្ឌកម្រិតស្រាល ចាប់ប្រមូលយកទៅកាន់ស្នងការដ្ឋាននគរបាលខេត្តទាំងកណ្ដាលអធ្រាត្រ ដើម្បីសួរនាំ និងធ្វើការអប់រំ ។

លោក ឈឿង គឺមសុង ប្រធានក្រុមបង្ការ-បង្ក្រាប បានប្រាប់ថា ក្រុមស្ទាវទាំងនោះត្រូវកម្លាំងរបស់លោកដើរប្រមូលបានពីតាមសួនច្បារនានានៅក្នុងក្រុងបាត់ដំបង ខណៈដែលពួកគេមួយចំនួនកំពុងសម្ងំប្រព្រិត្តអំពើអានាចារបង្កភាពអាវ៉ាសែយ៉ាងអាក្រក់បំផុតនៅតាមទីសាធារណៈ ។ លោកថា កម្លាំងរបស់លោកបានធ្វើការងារនេះ ចាប់តាំងពីម៉ោង១១យប់រហូតដល់ម៉ោង៣រំលងអាធ្រាត្រឈានចូលថ្ងៃទី២២ឧសភា ទើបប្រមូលក្រុមវង្វេងផ្ទះនេះអស់ពីតាមសួន ។

លោក គឹមសុង បញ្ជាក់ថា សកម្មភាពក្រុមក្មេងស្ទាវទាំងប្រុសទាំងស្រីនេះបានបង្កផលប៉ះពាល់យ៉ាងខ្លាំងដល់សណ្ដាប់ធ្នាប់សាធារណៈ ដល់សន្តិសុខសង្គម និងប៉ះពាល់ធ្ងន់ធ្ងរដល់វប្បធម៌ប្រពៃណីខ្មែរ ទើបលោកស្នងការខេត្ត បញ្ជាឲ្យកម្លាំងរបស់លោកចាត់វិធានការតែម្ដងទៅ ។

លោកឧត្តមសេនីយ៍ត្រី ជេត វណ្ណនី ស្នងការរងនគរបាលខេត្ត បានមានប្រសាសន៍ថា ក្នុងចំណោមក្រុមក្មេងទំនើងវង្វេងផ្ទះទាំងជាង៤០នាក់នោះ គឺមានស្រី៨នាក់ និងបុរសភេទទី៣មាន៤នាក់ ។ លោកថា មន្ត្រីជំនាញបានធ្វើតេស្ដទឹកនោមហើយក្នុងចំណោមនេះមានមួយចំនួនត្រូវគេរកឃើញថាមានសារធាតុញៀនផង ប៉ុន្តែតាមគោលការណ៍របស់លោកស្នងការនគរបាលខេត្ត យើងបានអញ្ជើញអាណាព្យាបាលពួកគេឲ្យមកកាន់ស្នងការដើម្បីឲ្យពួកគាត់បានឃើញ និងបានដឹងអំពីសកម្មភាពកូនៗរបស់ពួកគាត់ ដែលដើរលេងកណ្ដាលយប់មិនព្រមចូលផ្ទះ ។ លោកស្នងការរងបានបញ្ជាក់ថា ក្រោយពីបានពន្យល់ហេតុផលដល់អាណាព្យាបាល និងបានធ្វើការអប់រំដល់កក្រុមយុវជនទាំងនេះ យើងក៏បានស្នើរឲ្យអាណាព្យាបាលពួកគេជួយធ្វើការអប់រំដល់កូនចៅរបស់ខ្លួន និងធ្វើកិច្ចសន្យាធានាពួកគេត្រឡប់ទៅផ្ទះវិញដែរ ៕

credit: kohsantepheapdaily

ឧទ្ធម្ភាគចក្រអូប័រនិងរថយន្តយោធាបើកឆ្វែលទីស្នាក់ការបក្សប្រឆាំង

m4thai 18:36 Add Comment

credit: RFA Khmer

ធ្លាយវីដេអូ កែវ នីសា ឲ្យគ្រូអាគមថៃសាក់យ័ន្តនៅខ្នង

m4thai 05:59 Add Comment

ភ្នំពេញ៖ តារាសម្តែង និងពិធីការិនីស្រីល្បីឈ្មោះអ្នកនាង កែវ នីសា ត្រូវបានគ្រូអាគមសាក់យ័ន្តដ៏ល្បីប្រទេសថៃទម្លាយចេញនូវខ្សែវីដេអូខ្លីគ្រាដែលតារាស្រីរូបនេះចូលទៅសាក់យ័ន្ត។ នាងនឹងកា្លយជាតារាស្រីទីពីរដែលធ្វើការសាក់យ័ន្តមន្តគាថាបែបសម័យបុរាណបន្ទាប់ពីតារាសម្តែងស្រីកញ្ញាពេជ្រ អាវីហ្សា ហើយយ័ន្តនេះក៏ត្រូវបានតារាសម្តែងលំដាប់ហូលីវូដអ្នកស្រីអេនជីលីណាសាក់ផងដែរ។

ថ្មីៗនេះការសាក់រូបលើកដងខ្លួនបានក្លាយជាការពេញនិយមមួយសម្រាប់តារាកម្ពុជា ប៉ុន្តែការសាក់យ័ន្តគាថា បែបអបិយជំនឿមិនមានច្រើនទេ។ កញ្ញា ពេជ្រ អាវីហ្សា ទើបតែសាក់មន្តអាគមលើក្រោយខ្នងនៃស្មាខាងឆ្វេងរបស់ខ្លួន ដែលគេដឹងថាគឺជាទម្រង់សាក់ដែលតារាថៃ និងតារាហូលីវូដធ្លាប់បានធ្វើដោយពួកគេមានជំនឿទៅលើគ្រូអាគមមួយថា នឹងអាចឲ្យការងារសិល្បៈរបស់ពួកគេកាន់តែរីកចម្រើន។ មិនបានប៉ុន្មានផងតារាសម្តែងស្រីល្បីឈ្មោះរឿងទាំងស្នេហានិងការងារសិល្បៈអ្នកនាង កែវ នីសា ត្រូវបានគេហទំព័រហ្វេសប៊ុករបស់គ្រូស្នេហ៍ និងគ្រូសាក់យ័ន្តដ៏ល្បីនៅប្រទេសថៃទម្លាយចេញនូវដេអូខ្លីគ្រាដែលនាងចូលទៅពឹងពាក់ឲ្យគ្រូម្នាក់នោះជួយសាក់ និងសូត្រមន្តគាថាស្តោះផ្លុំ។ ខ្សែវីដេអូខ្លីរយៈពេល២៨វិនាទី បានបង្ហាញពីតារាសម្តែងកែវ នីសា ស្លៀកខោខូវប៊យអាវវាលខ្លៀកពណ៌ខ្មៅអង្គុយបទជើងប្រណំ ហើយមានគ្រូស្នេហ៍ស្លៀកសពាក់សរអង្គុយពីក្រោយប្រើដែកស្រួចចាក់សាក់ពីខាងក្រោយខ្នង។ បើទោះបីជាការសាក់ដោយដែកស្រួចដែលមានទឹកថ្នាំនៅខាងចុងនោះបានធ្វើឲ្យតារាស្រីរូបនេះឈឺចុកចាប់ក្តីក៏តារាស្រីរូបនេះអាចទ្រំទ្របានដែរ។

គេនៅមិនទាន់អាចស្វែងរកការបញ្ជាក់ពីតារាសម្តែង និងពិធីការិនីទូរទស្សន៍CNC រូបនេះបាននៅឡើយទេ ជុំវិញការសាក់រូបយ័ន្តនៅក្រោយខ្នងស្មាខាងឆ្វេង។ ប៉ុន្តែប្រភពពីអ្នកសិល្បៈបានបញ្ជាក់ថា គ្រូស្នេហ៍ដែលល្បីល្បាញខាងសាក់នេះត្រូវបានគេស្គាល់ថាជាគ្រូស្នេហ៍និងសាក់យ័ន្តដ៏ល្បីនៅទីក្រុងបាងកកប្រទេសថៃ។ មានតារាសម្តែងហូលីវូដ និងតារាសម្តែងថៃស្រីជាច្រើនបានធ្វើការសាក់យ័ន្តគាថាប្រភេទនេះដែលពួកគេមានជំនឿថានឹងនាំឲ្យការងារសិល្បៈពួកគេកាន់តែរីកចម្រើន។ ប៉ុន្តែការសាក់យ័ន្តនេះក៏ត្រូវត្រណមជាច្រើនមុខដូចជាហាមមិនឲ្យទទួលទានស្រា លេងល្បែង សេពគ្រឿងញៀន និយាយកុហក និងយកប្ដីគេជាដើម៕