สิงหาคม 2016

Archive for สิงหาคม 2016

ឧទ្ធម្ភាគចក្រអូប័រនិងរថយន្តយោធាបើកឆ្វែលទីស្នាក់ការបក្សប្រឆាំង

m4thai 18:36 Add Comment

credit: RFA Khmer

ធ្លាយវីដេអូ កែវ នីសា ឲ្យគ្រូអាគមថៃសាក់យ័ន្តនៅខ្នង

m4thai 05:59 Add Comment

ភ្នំពេញ៖ តារាសម្តែង និងពិធីការិនីស្រីល្បីឈ្មោះអ្នកនាង កែវ នីសា ត្រូវបានគ្រូអាគមសាក់យ័ន្តដ៏ល្បីប្រទេសថៃទម្លាយចេញនូវខ្សែវីដេអូខ្លីគ្រាដែលតារាស្រីរូបនេះចូលទៅសាក់យ័ន្ត។ នាងនឹងកា្លយជាតារាស្រីទីពីរដែលធ្វើការសាក់យ័ន្តមន្តគាថាបែបសម័យបុរាណបន្ទាប់ពីតារាសម្តែងស្រីកញ្ញាពេជ្រ អាវីហ្សា ហើយយ័ន្តនេះក៏ត្រូវបានតារាសម្តែងលំដាប់ហូលីវូដអ្នកស្រីអេនជីលីណាសាក់ផងដែរ។

ថ្មីៗនេះការសាក់រូបលើកដងខ្លួនបានក្លាយជាការពេញនិយមមួយសម្រាប់តារាកម្ពុជា ប៉ុន្តែការសាក់យ័ន្តគាថា បែបអបិយជំនឿមិនមានច្រើនទេ។ កញ្ញា ពេជ្រ អាវីហ្សា ទើបតែសាក់មន្តអាគមលើក្រោយខ្នងនៃស្មាខាងឆ្វេងរបស់ខ្លួន ដែលគេដឹងថាគឺជាទម្រង់សាក់ដែលតារាថៃ និងតារាហូលីវូដធ្លាប់បានធ្វើដោយពួកគេមានជំនឿទៅលើគ្រូអាគមមួយថា នឹងអាចឲ្យការងារសិល្បៈរបស់ពួកគេកាន់តែរីកចម្រើន។ មិនបានប៉ុន្មានផងតារាសម្តែងស្រីល្បីឈ្មោះរឿងទាំងស្នេហានិងការងារសិល្បៈអ្នកនាង កែវ នីសា ត្រូវបានគេហទំព័រហ្វេសប៊ុករបស់គ្រូស្នេហ៍ និងគ្រូសាក់យ័ន្តដ៏ល្បីនៅប្រទេសថៃទម្លាយចេញនូវដេអូខ្លីគ្រាដែលនាងចូលទៅពឹងពាក់ឲ្យគ្រូម្នាក់នោះជួយសាក់ និងសូត្រមន្តគាថាស្តោះផ្លុំ។ ខ្សែវីដេអូខ្លីរយៈពេល២៨វិនាទី បានបង្ហាញពីតារាសម្តែងកែវ នីសា ស្លៀកខោខូវប៊យអាវវាលខ្លៀកពណ៌ខ្មៅអង្គុយបទជើងប្រណំ ហើយមានគ្រូស្នេហ៍ស្លៀកសពាក់សរអង្គុយពីក្រោយប្រើដែកស្រួចចាក់សាក់ពីខាងក្រោយខ្នង។ បើទោះបីជាការសាក់ដោយដែកស្រួចដែលមានទឹកថ្នាំនៅខាងចុងនោះបានធ្វើឲ្យតារាស្រីរូបនេះឈឺចុកចាប់ក្តីក៏តារាស្រីរូបនេះអាចទ្រំទ្របានដែរ។

គេនៅមិនទាន់អាចស្វែងរកការបញ្ជាក់ពីតារាសម្តែង និងពិធីការិនីទូរទស្សន៍CNC រូបនេះបាននៅឡើយទេ ជុំវិញការសាក់រូបយ័ន្តនៅក្រោយខ្នងស្មាខាងឆ្វេង។ ប៉ុន្តែប្រភពពីអ្នកសិល្បៈបានបញ្ជាក់ថា គ្រូស្នេហ៍ដែលល្បីល្បាញខាងសាក់នេះត្រូវបានគេស្គាល់ថាជាគ្រូស្នេហ៍និងសាក់យ័ន្តដ៏ល្បីនៅទីក្រុងបាងកកប្រទេសថៃ។ មានតារាសម្តែងហូលីវូដ និងតារាសម្តែងថៃស្រីជាច្រើនបានធ្វើការសាក់យ័ន្តគាថាប្រភេទនេះដែលពួកគេមានជំនឿថានឹងនាំឲ្យការងារសិល្បៈពួកគេកាន់តែរីកចម្រើន។ ប៉ុន្តែការសាក់យ័ន្តនេះក៏ត្រូវត្រណមជាច្រើនមុខដូចជាហាមមិនឲ្យទទួលទានស្រា លេងល្បែង សេពគ្រឿងញៀន និយាយកុហក និងយកប្ដីគេជាដើម៕

credit: http://nkdnews.com

និស្សិតខ្មែរដ៏ឆ្នើមម្នាក់ស្ថិតក្នុងចំណោមអ្នកបាត់បង់ជីវិតដោយគ្រោះថ្នាក់ចរាចរណ៍នេះដែល

m4thai 19:14 Add Comment

គ្រោះថ្នាក់ចរាចរណ៍ដ៏ធ្ងន់ធ្ងរមួយបានកើតឡើងកាលពីរសៀលថ្ងៃទី២៩ ខែសីហា នៅលើកំណាត់ផ្លូវជាតិលេខ៥ ស្ថិតក្នុងភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង។ ការបុកគ្នារវាងរថយន្តបែនដឹកដី និងរថយន្តផ្ទុកអ្នកដំណើរពីក្រុងប៉ោយប៉ែត ឆ្ពោះទៅកាន់ខេត្តបាត់ដំបង បណ្តាលឲ្យមនុស្ស៩នាក់ស្លាប់ និង៤នាក់រងរបួសធ្ងន់។ នេះបើតាមរបាយការណ៍របស់ប៉ូលិសមូលដ្ឋាន។

យោងតាមម្ចាស់គណនីហ្វេសប៊ុកឈ្មោះ Sam-Ang Prak ដែលជាព្រះសង្ឃផងដែរនោះ និស្សិតដ៏ឆ្នើមម្នាក់ឈ្មោះ ហៀង សូលីណែត ស្ថិតក្នុងចំណោមជនរងគ្រោះដែលស្លាប់ដោយសារគ្រោះថ្នាក់ចរាចរណ៍នោះ។ តាមប្រវត្តិសិក្សាដែលផ្សាយនៅលើហ្វេសប៊ុករបស់ខ្លួន (Solinet Heang) កញ្ញា សូលីណែត រៀនចប់នៅវិទ្យាល័យទូលទំពូងនៅឆ្នាំ២០០៩ ហើយបន្តសិក្សាថ្នាក់បរិញ្ញាបត្រនៅសាកលវិទ្យាល័យបញ្ញាសាស្ត្រ។

សូលីណែត ក៏បានចូលរួមក្នុងកម្មវិធីផ្លាស់ប្តូរការសិក្សានៅបរទេសផងដែរ ដែលក្នុងនោះ មានកម្មវិធីអាស៊ាននៅ Chiang Mai University ប្រទេសថៃ និងកម្មវិធី Erasmus Mundus Areas+Program នៅសាកលវិទ្យាល័យ Tallinn University of Technology Inteational ប្រទេសអេស្តូនី ជាដើម៕

credit: khmernews

ព្រឹកនេះ ព្រឹទ្ធសភាប្រជុំពិនិត្យលើកអភ័យឯកសិទ្ធិរបស់លោកស្រី ថាក់ ឡានី

m4thai 17:59 Add Comment

រាជធានីភ្នំពេញ ៖ តាមសំណើរបស់អគ្គព្រះរាជអាជ្ញាអមសាលាឧទ្ឋរណ៍ ព្រឹទ្ធសភានឹងបើកកិច្ចប្រជុំដើម្បីពិនិត្យលើសេចក្តីស្នើសុំលើកអភ័យឯកសិទ្ធិសភារបស់លោកស្រី ថាក់ ឡានី សមាជិកព្រឹទ្ធសភាមណ្ឌលភូមិភាគទី២ ។

តាមគម្រោងកិច្ចប្រជុំខាងលើនឹងប្រព្រឹត្តទៅនៅវេលាម៉ោង៨ព្រឹក ថ្ងៃទី៣១ ខែសីហា ឆ្នាំ២០១៦ នីមានព្រឹទ្ធសភាក្នុងខណ្ឌចំការមន ក្រោមអធិបតីភាពសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ។

លោកស្រី ថាក់ ឡានី សមាជិកព្រឹទ្ធសភាមកពីគណបក្សសមរង្ស៊ី បានត្រូវមេធាវីតំណាងក្នុងអាណត្តិរបស់សម្តេចតេជោ ហ៊ុន សែន គឺលោក គី តិច បានដាក់ពាក្យប្តឹងទៅសាលាដំបូងរាជធានីភ្នំពេញពាក់ព័ន្ធនឹងការចោទប្រកាន់ថា រដ្ឋអំណាចជាអ្នករៀបចំ និងស្ថិតនៅពីក្រោយអំពើឃាតកម្មបាញ់សម្លាប់លោកបណ្ឌិត កែម ឡី និងទារសំណង១០០រៀល ៕

credit: kohsantepheapdaily

ចង់ដឹងអត់? តើរមៀតផ្តល់អត្ថប្រយោជន៍អ្វីខ្លះដល់សុខភាព និងសម្រស់របស់អ្នក

m4thai 17:45 Add Comment

រមៀតមិនត្រឹមតែជាធាតុផ្សំក្នុងអាហារដ៏មានឱជារសប៉ុណ្ណោះទេ ប៉ុន្តែវាក៏ឱសថផ្តល់អត្ថប្រយោជន៍ច្រើនដល់សុខភាពផងដែរ។

រមៀតមានផ្ទុកនូវសារធាតុប្រឆាំងអុកស៊ីតកម្ម ការរលាក និងភាពចាស់ ហើយសមាសធាតុសកម្មក្នុងរមៀតជួយកម្ចាត់ជាតិពុល ការពារពីការកើតជំងឺមហារីក។

រមៀតក៏សម្បូរទៅដោយជាតិសរសៃ កាល់ស្យូម និងវីតាមីន។
ខាងក្រោមនេះជាអត្ថប្រយោជន៍នៃរមៀតចំពោះសុខភាព៖

    - ជួយព្យាបាលដំបៅ របួស
    - ការពារពីជំងឺមហារីក
    - ជួយសម្រួលអារម្មណ៍របស់អ្នក
    - ពង្រឹងប្រព័ន្ធរំលាយអាហារ
    - ការពារពីជំងឺបាត់បង់ការចងចាំ
    - ជួយរក្សាសុខភាពបេះដូង
    - ការពារអ្នកពីជំងឺសន្លាក់ឆ្អឹង
    - ជួយរឹតបន្តឹងស្បែកឱ្យតឹងណែនល្អ
    - ជាឱសថធម្មជាតិបំបាត់ការឈឺចាប់
    - ជួយកម្ចាត់ជាតិពុលចេញពីក្នុងថ្លើម
    - ជំនួយដល់ស្បែក ធ្វើឱ្យស្បែកកាន់តែស្អាត និងមានសុខភាពល្អ
     - ប្រឆាំងនឹងជំងឺទឹកនោមផ្អែម

ខាងក្រោមនេះជារូបមន្តធ្វើឱសថរមៀត៖

    - លាយម្សៅរមៀតបន្តិច ម្សៅស្រូវសាឡីបន្តិចជាមួយទឹកក្រូចឆ្មា និងទឹកប៉េងប៉ោះ។
    - អ្នកអាចលាបវាលើតំបន់ស្នាមរង្វង់ខ្មៅជុំវិញភ្នែក និងរង់ចាំរយៈពេល ១០នាទី។
    - អ្នកក៏អាចប្រើទឹកម្នាស់លាយជាមួយម្សៅរមៀត លាបលើស្នាមរង្វង់ខ្មៅជុំវិញភ្នែករយៈពេល ១០នាទី នោះអ្នកនឹងសង្កេតឃើញពីភាពខុសប្លែកយ៉ាងឆាប់រហ័ស។

រូបមន្តធ្វើទឹកដោះគោមាស

នេះជារូបមន្តបុរាណដ៏ល្បីឈ្មោះ និងផ្តល់អត្ថប្រយោជន៍យ៉ាងទូលំទូលាយ។ វាអាចជួយព្យាបាលជំងឺបានច្រើនមុខ៖

    - ឆ្លងមេរោគក្នុងតម្រងនោម
    - រាករូស
    - ឆ្លងមេរោគក្នុងប្លោកនោម
    - ជំងឺរលាកទងសួត

     - ផ្តាសាយ
    - សន្លាក់ដៃជើង
    - ឈឺចាប់សាច់ដុំ
    - ស្បែកជ្រីវជ្រួញ
    - ឈឺក្បាល
    - គ្រុនក្តៅ
    - ឆ្លងមេរោគប៉ារ៉ាស៊ីត

ធាតុផ្សំមាន៖

    - ទឹកឃ្មុំសុទ្ធ ១ស្លាបព្រាកាហ្វេ
    - ម្សៅឧបឈើយ ១/២ស្លាបព្រាកាហ្វេ
    - ទឹកដោះគោ ១ពែង
    - ម្សៅរមៀត ១/២ស្លាបព្រាកាហ្វេ
    - ប្រេងដូង ១/២ស្លាបព្រាកាហ្វេ
    - ម្រេចខ្មៅស្រស់ ១/៤ស្លាបព្រាកាហ្វេ

ការណែនាំ

    - អ្នកគួរដុតកម្តៅទឹកដោះគោជាមុនសិន រួចបន្ថែមម្សៅឧបឈើយចូល
    - ដាក់ទឹកឃ្មុំ ម្រេច ម្សៅរមៀត និងប្រេងដូងចូល ហើយកូរចូលគ្នាឱ្យសព្វល្អរហូតដល់ក្តៅល្មម
    - បន្ទាប់មកទៀតអ្នកត្រូវចម្រាញ់យកទឹកវាមកផឹក៕

credit: mungkulkar

មាស សុខសោភា នឹងបង្ហាញវត្តមានក្នុងព្រឹត្តិការណ៍ ប្រគំតន្ត្រីស្រាបៀរលីអូដ៏អស្ចារ្យ កក្រើកក្លឹប RCA ចុងសប្ដាហ៍នេះ

m4thai 22:27 Add Comment

(ភ្នំពេញ)៖ បន្ទាប់ពីកម្មវិធីប្រគំតន្ត្រីស្រាបៀរលីអូ បានប្រារព្ធធ្វើឡើង ស្ទើរតែគ្រប់ខេត្ដ-ក្រុងទូទាំងប្រទេសកម្ពុជា បង្កនូវភាពសប្បាយ រីករាយរួចមក នៅថ្ងៃទី២ ខែកញ្ញា ឆ្នាំ២០១៦ ខាងមុខនេះ ប្រគំតន្ត្រីស្រាបៀរលីអូ នឹងប្រារព្ធធ្វើនៅក្លឹប «RCA» រាជធានីភ្នំពេញ ដើម្បីបង្កើតភាពសប្បាយរីករាយ ជាមួយបទចម្រៀងកន្ដ្រាក់អារម្មណ៍ ជាមួយនឹងកញ្ញា មាស សុខសោភា និងតារាល្បីៗជាច្រើនទៀត រូបទៀត។

កាន់តែពិសេសនោះ រាល់ការទិញកុំម្ម៉ង់ស្រាបៀរលីអូ នឹងមានឱកាសឈ្នះរង្វាន់ ដ៏គួរឲ្យភ្ញាក់ផ្អើលជាច្រើន ពីស្រាបៀរលីអូ។ សូមកុំភ្លេចណា សូមចូលរួមជាមួយស្រាបៀរលីអូ ភាពអស្ចារ្យអាចកើតមាន ឡើងគ្រប់ពេល!។

គួរបញ្ជាក់ថា នេះជាកម្មវិធីដំបូងបង្អស់ ដែលធ្វើឲ្យអតិថិជន មានភាពភ្ញាក់ផ្អើល ដោយពួកគាត់អាចស្នើសុំបទចម្រៀង ដែលខ្លួនពេញចិត្ត ដើម្បីឲ្យកញ្ញា មាស សុខសោភា ច្រៀងផ្ទាល់នៅលើឆាកផងដែរ។ កម្មវិធីប្រគំតន្ត្រីស្រាបៀរលីអូ ដ៏អស្ចារ្យនេះ ក៏ទើបតែបានប្រារព្ធនៅខេត្តសៀមរាប កាលពីថ្ងៃទី២៦ ខែសីហា ក្នុងក្លឹប Hip Hop ដោយមានការចូលរួមពីសំណាក់ អតិថិជនយ៉ាងច្រើនកុះករនិងជា កន្លែងដែលអតិថិជន អាចទទួលយកនូវបទពិសោធន៍ នៃភាពអស្ចារ្យដែលអាចកើតមានឡើង គ្រប់ពេល ជាមួយស្រាបៀរលីអូ៕

credit: freshnews

ពិតជាកំពូលប្រើល្បឿន! ខ្ទេចមើលលែងយល់ទាំងមនុស្សទាំងរថយន្ត

m4thai 16:48 Add Comment

ខេត្តបាត់ដំបង ៖ សេចក្តីរាយការណ៍បឋមឱ្យដឹងថា នៅវេលាមុននេះ នាថ្ងៃទី២៩ សីហា ២០១៦ មានករណីគ្រោះថ្នាក់ចរចរណ៍ដ៏គួរឱ្យរន្ធត់បំផុត រវាងរថយន្ត២គ្រឿងបុកគ្នាទាំងកំរោលខ្ទេចទាំងសងខាង និងមនុស្សបានខ្ទាតចេញឡើងរប៉ាត់រប៉ាយជាច្រើននាក់ ដែលហេតុការណ៍នេះកើតឡើងត្រង់ចំណុចតាមបណ្តោយផ្លូវជាតិលេខ៥ ក្នុងទឹកដីខេត្តបាត់ដំបង ។
ទោះបីជាយ៉ាងណា ជំហានដំបូង គេមិនទាន់ដឹងពីមូលហេតុដែលបុកគ្នានេះទេ ។ ចំណែកឯចំនួនអ្នកស្លាប់៩នាក់ មានប្រុស៤នាក់ (ស្រី៥នាក់) និងរបួសធ្ងន់៤នាក់ ប្រុសម្នាក់ (ស្រី៣នាក់) នេះបើតាមការអោយដឹងពីសមត្ថកិច្ចនៅកន្លែងកើតហេតុ ខណៈសមត្ថកិច្ចចុះពិនិត្យ និងបញ្ចៀសការកកស្ទះចរាចរណ៍ ៕

credit: kohsantepheapdaily

ក្មេងស្រីរត់ឆ្លងថ្នល់ត្រូវរថយន្តបុកស្លាប់ក្នុងថ្លុកឈាម

m4thai 16:32 Add Comment

ខេត្តបាត់ដំបង ៖ សេចក្តីរាយការណ៍បឋមបានឲ្យដឹងថា ក្មេងស្រីម្នាក់ត្រូវរថយន្តបុកស្លាប់ក្នុងថ្លុកឈាមយ៉ាងអាណោចអាធ័ម កាលពីវេលាម៉ោង១២ និង២៥នាទី ថ្ងៃទី២៩ ខែសីហា ឆ្នាំ២០១៦ នៅកណ្ដាលផ្លូវជាតិលេខ៥៩ ស្ថិតក្នុងភូមិចំបក់ ឃុំជ្រៃសីមា ស្រុកសំពៅលូន ខេត្តបាត់ដំបង ។
សេចក្តីរាយការណ៍បានឲ្យដឹងទៀតថា ក្មេងស្រីរងគ្រោះឈ្មោះ ឌី ស្រីនូ អាយុ៥ឆ្នាំ រស់នៅភូមិ-ឃុំកើតហេតុ ។
ប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្ត១គ្រឿង ម៉ាកកាមរីឆ្លាមពណ៌ខ្មៅ ពាក់ស្លាកលេខ សៀមរាប 2A-6182 បើកយ៉ាងលឿនក្នុងទិសដៅពីជើងទៅត្បូង លុះដល់ចំណុចកើតហេតុ ស្រាប់តែក្មេងស្រីរងគ្រោះបានរត់ឆ្លងផ្លូវពីកើតទៅលិចក៏ត្រូវ រថយន្តនោះបុកចំយ៉ាងពេញទំហឹងបណ្ដាលឲ្យក្មេងស្រីរងគ្រោះប៉ើង ប្រមាណ១០ម៉ែត្រស្លាប់ក្នុងថ្លុកឈាមយ៉ាងអាណោចអាធ័មក្រោមសម្រែក ស្រែកទ្រហោយំពីសំណាក់ជីដូន ព្រោះឪពុកម្តាយក្មេងស្រីរងគ្រោះបានទៅធ្វើការនៅប្រទេសថៃអស់ ។
ក្រោយពេលកើតហេតុ ភ្លាមរថយន្តបង្កក៏បានបន្ថែមល្បឿនបើករត់គេចខ្លួនបាត់ស្រមោលតែម្តង ៕

credit: kohsantepheapdaily

នៅប្រទេសថៃមានពលករខ្មែរម្នាក់បានស្លាប់បើអាណិតសូមជួយស៊ែរបន្តផង់

m4thai 07:21 Add Comment

credit: youtube

បេក្ខជនម្នាក់កូរពេញឆាក Cambodian Idol ធ្វើឲ្យអ្នកមើលទប់សំណើបមិនបាន អាចយកគាត់ទៅកំប្លែងបាន Share ចែកសេក្តីរីករាយទាំងអស់គ្នា អបអរសាទរដែលគាត់ជាប់ទៅវគ្គបន្ត

m4thai 07:16 Add Comment

credit: youtube

CAMBODIA IDOL 2016 JUDGE AUDITION SEASON 2 WEEK សុគន្ធាធ្វើអោយ សុគន្ធកញ្ញាសម្រក់ទឹកភ្នែកពេលដែលនាងច្រៀងបទ ម៉ែ

m4thai 06:45 Add Comment

credit: youtube

នាយឧត្តមសេនីយ៍ គន់ គីម ព្រមានព្រះអង្គម្ចាស់ធម្មិកោ កុំឱ្យព្រហើនជាមួយកងទ័ព បន្ទាប់ពីព្រះអង្គមានបន្ទូលថា ស្ថាប័នកងទ័ពរំលោភលើព្រះមហាក្សត្រ (Video Inside)

m4thai 06:03 Add Comment

(ភ្នំពេញ)៖ នាយឧត្តមសេនីយ៍ គន់ គីម អគ្គមេបញ្ជាការរង និងជានាយសេនាធិការចម្រុះ កងយោធពលខេមរភូមិន្ទ បានប្រតិកម្មខ្លាំងៗទៅនឹងការរិះគន់ របស់ព្រះអង្គម្ចាស់ស៊ីសុវត្ថិ ធម្មិកោ ដែលថា នៅក្នុងស្ថាប័នកងទ័ព ប៉ូលិសមិនមានតាំងរូបព្រះឆាយាល័ក្ខ បែរជាតាំងរូបអ្នករំដោះថ្ងៃ៧មករា។

លោកនាយឧត្តមសេនីយ៍រូបនេះ បានហៅការមានព្រះបន្ទូលរបស់ ព្រះអង្គម្ចាស់ ស៊ីសុវត្ថិ ធម្មិកោ សមាជិករបស់គណបក្សសង្រ្គោះជាតិ នាពេលនេះថា កំពុង «ព្រហើន» ដាក់អង្គភាពកងទ័ពនៅក្នុងប្រទេសកម្ពុជា ហើយនាយឧត្តមសេនីយ៍បញ្ជាក់ថា «កងទ័ពមានសិទ្ធិគ្រប់គ្រាន់ក្នុងការគោរព និងការពាររាជរដ្ឋាភិបាល ដូចគ្នាទៅនឹងស្ថាប័នព្រះមហាក្សត្រ»។

នាយឧត្តមសេនីយ៍ បានអះអាងយ៉ាងដូច្នេះថា «ខ្ញុំមិនខ្លាចក្រែងរឿងដាក់រូបថត ៧មករា រឿងព្រះមហាក្សត្រ គឺត្រូវតែគោរព ជាទីសក្ការៈដែលយើងខ្ញុំ ទាំងអស់គ្នាត្រូវតែគោរពត្រូវតែបូជា ប៉ុន្តែចំពោះអ្នកឯងមួយដែលជាស្តេចធ្វើនយោបាយ ខ្ញុំមិនស្តាប់អ្នកឯងទេ ហើយខ្ញុំមិនគោរពអ្នកឯងទេ ហើយខ្ញុំក៏មិនតាមអ្នកឯងដែរ អ្នកឯងត្រូវយល់ឱ្យច្បាស់ កុំព្រហើនជាមួយកងទ័ព»។

ប្រតិកម្មរបស់នាយឧត្តមសេនីយ៍ជាន់ខ្ពស់រូបនេះ បានធ្វើឡើងបន្ទាប់ពី ព្រះអង្គម្ចាស់ ស៊ីសុវត្ថិ ធម្មិកោ បានមានព្រះបន្ទូលថា នៅកម្ពុជាស្ថាប័នព្រះមហាក្សត្រ ពេលនេះកំពុងរងនូវការរំលោភបំពាន។ ព្រះអង្គច្បាស់ថា ស្ថាប័នប៉ូលិស ទាហាន នីមួយៗ រៀលរាល់ថ្ងៃនេះ ពុំបានតាំងរូប ព្រះឆាយាល័ក្ខនៅក្នុង អង្គភាពរបស់ខ្លួនទេ ប៉ុន្តែបែរជាតាំងរូបថត៧មករាទៅវិញ។

ព្រះអង្គម្ចាស់ ស៊ីសុវត្ថិ ធម្មិកោ បានមានព្រះបន្ទូល នៅក្នុងវេទិការបស់គណបក្សសង្រ្គោះជាតិ នាព្រឹកថ្ងៃទី២៩ ខែសីហា ឆ្នាំ២០១៦នេះថា «វាបំពានដល់ ស្ថាប័នព្រះមហាក្សត្រ សឹងតែរៀងរាល់ថ្ងៃ ទៅមើលទៅ ! នៅក្នុងបន្ទាយ អង្គភាព ស្នងការប៉ូលិសនីមួយៗមានព្រះឆាយាលក្ខ័ព្រះមហាក្សត្រ ដែលចែងក្នុងច្បាប់រដ្ឋធម្មនុញ្ញរបស់យើងទេ? គឺអត់មានទេ ផ្ទុយទៅវិញមានតែរូបថត ៧មករា ឆ្នាំ១៩៧៩ អាហ្នឹងជាការរំលោភបំពានស្ថាប័នព្រះមហាក្សត្រ ក៏ដូចជារំលោភបំពានលើរដ្ឋធម្មនុញ្ញ»។

លោកនាយឧត្តមសេនីយ៍ គន់ គីម បានអះអាងថា កងទ័ពមានការគោរពស្រឡាញ់ និងការពារព្រះមហាក្សត្រ ក៏ដូចជារាជរដ្ឋាភិបាលកម្ពុជា។ កងទ័ពអាចអព្យាក្រឹត្យបានចំពោះគណបក្សនយោបាយ ប៉ុន្តែកងទ័ពមិនអាចអព្យាក្រឹត្យជាមួយរាជរដ្ឋាភិបាលទេ។

លោក គន់ គីម បានថ្លែងថា «កងទ័ព ទោះបីជាគេយករូបថត ៧មករាទៅដាក់តាំង ក៏ជាសិទ្ធិរបស់គេព្រោះគេយកជាតិ និងរំដោះប្រជាជនគេអព្យាក្រឹត្យបាន តែជាមួយគណបក្សនយោបាយ ប៉ុន្តែគេមិនអាចអព្យាក្រឹត្យជាមួយរាជរដ្ឋាភិបាលបានទេ គេមិនអាចអព្យាក្រឹត្យជាមួយនាយករដ្ឋមន្រ្តី ដែលកំពុងកាន់អំណាច និងជានាយករដ្ឋមន្រ្តីស្របច្បាប់ ដែលប្រជាជនបោះឆ្នោតឱ្យទេ ដូច្នេះកងកម្លាំងប្រដាប់អាវុធការពារដាច់ខាត ចំពោះព្រះមហាក្សត្រ ចំពោះរាជរដ្ឋាភិបាលដែលប្រជាជនបានបោះឆ្នោតឱ្យ»។

នាយឧត្តមសេនីយ៍ បានបន្ថែមថា «ចំពោះទីស្នាក់ការដែលបំពេញការងារ ទីតាំងណាក៏មានព្រះមហាក្សត្រ ដោយឡែកអគារស្នាក់នៅ ឬក៏អគារផ្សេងៗ រាជរដ្ឋាភិបាល ឬម្ចាស់គេផ្តល់ឱ្យ យើងក៏បានដាក់នូវរូបសំណាក ព្រោះនាយករដ្ឋមន្រ្តីជាមេដឹកនាំរបស់គេ ដូច្នេះគេក៏មានសិទ្ធិដាក់ មិនមែនជាទីតាំងធ្វើការ ឬប៉ុយរ៉ូធ្វើការ ប៉ុន្តែជាអគារស្នាក់នៅ ឬអគារផ្សេងៗដែលជាអំណោយរបស់រាជរដ្ឋាភិបាល ឬក៏អំណោយរបស់សម្តេចតេជោ ហ៊ុន សែន ឬសម្តេចកិត្តិព្រឹទ្ធបណ្ឌិត ដូច្នេះគេមានសិទ្ធិដាក់គ្រប់គ្រាន់ បើអ្នកឯងចង់ឱ្យគេដាក់អាហ្នឹងដែរ អ្នកឯងមកធ្វើមក គេដាក់ឱ្យហើយ»។

ដោយឡែក លោក ខៀវ សុភ័ក អ្នកនាំពាក្យក្រសួងមហាផ្ទៃ ក៏បានច្រានចោលទៅកាន់ការចោទប្រកាន់ របស់ព្រះអង្គម្ចាស់ស៊ីសុវត្ថិ ធម្មិកោ ផងដែរ។ លោកថានៅអង្គភាពធ្វើការរបស់សមត្ថកិច្ច មិនមានការបង្គាប់ណាមួយមិនឱ្យតាំងរូបព្រះឆាយាល័ក្ខនោះឡើយ ហើយថា នៅអង្គភាពសមត្ថកិច្ច ទាំងអស់តែងមានរូបព្រះឆាយាល័ក្ខគ្រប់កន្លែង។ លោកថា «គ្មានការណែនាំណាមួយ មិនឱ្យដាក់តាំងព្រះឆាយាល័ក្ខនោះទេ»។

លោក ខៀវ សុភ័ក ហៅ ការចោទប្រកាន់របស់ ព្រះអង្គម្ចាស់ ស៊ីសុវត្ថិ ធម្មិកោ ថាជាកំហុសឆ្គងដ៏ធ្ងន់ធ្ងរ៕

សូមស្តាប់ការលើកឡើងរបស់នាយឧត្តមសេនីយ៍ គន់ គីម៖